سالتاناتتى شارادا اۋدان اكىمى مۇحتار ورازباەۆ ورتا ازيا جاستارىنىڭ الدىنا شىققان قايراتكەر اتىنداعى سىيلىقتى يەلەنگەندەردى قۇتتىقتادى.
«بيىل «زاماننىڭ تۇتقاسى دا, يەسى دە جاستار!» دەپ ۇرانداعان ورتا ازيا جانە بۇكىل شىعىس جاستارىنىڭ جالىندى جەتەكشىسى, جەرلەسىمىز عاني مۇراتباەۆ تۋعانىنا 120 جىل تولىپ وتىر.
ارتىنا وشپەستەي ءىز قالدىرعان عاني مۇراتباەۆتىڭ ءىسى مەن ونەگەسىن وسكەلەڭ ۇرپاققا دارىپتەۋ ماقساتىندا رەسپۋبليكالىق عاني مۇراتباەۆ اتىنداعى جاستار سىيلىعىن تابىستاۋدى جىل سايىن داستۇرگە اينالدىرۋدامىز.
جاستار ەلدىڭ زاماناۋي بەت-بەينەسىن قالىپتاستىرىپ, جاڭا يدەيالاردى ۇسىنۋعا جانە قازاقستاندى جاڭارتۋدىڭ نەگىزگى قوزعاۋشى كۇشى بولۋعا ءتيىس. وسى ماقساتتا بۇگىن رەسپۋبليكامىزداعى ءار سالا بويىنشا وسى سىيلىققا لايىقتى دەپ تانىلعان ۇزدىكتەر مەن بەلسەندى جاستار كەلىپ وتىر», دەدى اۋدان باسشىسى.
مۇنان سوڭ مۇحتار ورازباەۆ پەن وبلىستىق قوعامدىق دامۋ باسقارماسى باسشىسىنىڭ ورىنباسارى رۋسلان قايۋپوۆ جۇزدەن جۇيرىك شىققان جەڭىمپازدارعا «رەسپۋبليكالىق جاستار سىيلىعىنىڭ ديپلومىن, توسبەلگىسىن جانە ەستەلىك سىيلىقتار تابىستادى.
بيىلعى جەڭىمپازدار قاتارىندا قازالىلىقتارمەن قاتار, نۇر-سۇلتان, الماتى, قىزىلوردا قالاسى جانە ارال, قارماقشى, سىرداريا, جالاعاش اۋداندارىنىڭ دارىندى جاستارى بار.
سالتاناتتى شارا ونەرپازداردىڭ كونتسەرتتىك باعدارلاماسىنا ۇلاسىپ, بەلگىلى ەسترادا جۇلدىزى ومىرقۇل اينيازوۆ, ەلورداداعى مەملەكەتتىك اكادەميالىق فيلارمونيانىڭ جەكە ءسوليسى التىنبەك ءابىلدا جانە تاعى باسقا تالانتتى انشىلەر كوپشىلىككە كوتەرىڭكى كوڭىل-كۇي سىيلادى.
ورتالىق الاڭنان كەيىن عاني مۇراتباەۆ اتىنداعى رەسپۋبليكالىق جاستار سىيلىعىنا يە بولعاندار ەركىن فورماتتا باس قوسىپ, ءوزارا پىكىر الماستى.
بيىل ءتورتىنشى رەت ۇيىمداستىرىلعان بايقاۋعا 40-تان استام ۇمىتكەر قاتىسىپ, سولاردىڭ ىشىندە 17 جۇيرىك لايىقتى دەپ تانىلدى. ماراپاتقا يە بولعاندارعا 120 مىڭ تەڭگەنىڭ سەرتيفيكاتى تاپسىرىلدى.
